Хангууд группийн уламжлалт явган аялал 2025 амжилттай боллоо
Хангууд Групп нь жил бүрийн уламжлалт явган аяллаа 2025 оны 7-р сарын сүүлийн долоо хоногт зохион байгууллаа. Аялалд группийн харьяа компаниудын явган аялалд алхах сонирхолтой ажилтнууд хамрагдаж, хамт олны уур амьсгалыг бэхжүүлэх, эрүүл мэндийг дэмжих, мөн компанийн "Ногоон Философийн" үнэт зүйлсийг бодитоор хэрэгжүүлэх зорилготой байв.
Аялал нь байгалийн үзэсгэлэнт газар болсон бөгөөд оролцогчид 30 км орчим замыг хамтдаа туулж, биеийн идэвхтэй хөдөлгөөн хийхийн зэрэгцээ хамт олонч уур амьсгалд 3 өдрийг өнгөрүүлсэн юм. Аяллын үеэр хог хаягдал үлдээхгүй байх, байгальд сөрөг нөлөө үзүүлэхгүй байх зэрэг экологийн зарчим-ыг баримтлан зохион байгуулалт хийгдсэн.
Энэхүү арга хэмжээ нь зөвхөн эрүүл мэнд, хамтын ажиллагаанд бус, Хангууд Группийн НОГООН ФИЛОСОФИ буюу байгальд ээлтэй, хариуцлагатай хандлагын бодит жишээ болж өгдөг уламжлалт арга хэмжээний нэг юм.
Хамт олны урам зориг, эв нэгдлийг бэхжүүлсэн энэхүү аялалд идэвхтэй оролцсон нийт ажилтнууддаа талархал илэрхийлье.
